طريقة الزواج في مصر من الفراعنة حتي الأن

من طرف **ضي القمر** الخميس يوليو 15, 2010 4:41 am

[size=21]طريقة الزواج في مصر من الفراعنة حتي الأن

مصر الفرعونية
ابا انا عايز اتجوز اختى حت حور
خلاص يا ابنى خليها تنقل حاجتها فى الاودة بتاعتك..
وابقى هاتلها حجرين صوان هدية..
مبروك يا تاح
............ ...... ....... .
مصر فى عصر الرومان
تتجوزينى يا افروديت
اتجوزك يا بانسيلوس
يللا بينا نبنى كوخ ع البحر ونعيش هناك
يللا
......... .......
مصر بعد الفتح الاسلامى
ولدى خالد يا شيخ احمد بيريد يتجوز بنتك البكر الكريمة.. وبيبنى خيمة.. ويقدم مهر مائة بعير
والله خالد ولدك زين الرجال .. وايش اتمنى غير رجل صالح يكون زوج
لبنتى .. وكما قال رسول الله صلى الله عليه وسلم ' ان جاءكم من ترضون
دينه وخلقه فزوجوه ' ....
قيموا الافراح
.........
مصر 1919
انت ح تتجوز بنت الحاج عبد الجليل .. انا كلمته خلاص ووافق ..
وضب الاودة بتاعتك وهات خلخال .. فرحك يوم الخميس اللى جاى
طب مش اشوفها الاول يابا
انت اتجننت يا ولد تشوفها ده ايه .. لما تتجوزها أبقى شـوفها
حاضر يابا
......... ........
مصر 1960
بقى يا ستى بنتك آمال جالها عريس
ياألف نهار ابيض يا ألف نهار مبروك
جدع طيب وابن حلال موظف فى الحقانية .. وماهيته مش بطالة .. اهو
يبنوا حياتهم سوا بعد الجواز.. والا ايه رأيك يا أم العروسة؟
الرأى رأيك يا أبو العروسة .. والله العيال ح يعجزونا يا ابو محمد
فشر .. تدبل الوردة وريحتها فيها يا صبـوحتـى
......... .........
مصر فى عصر الانفتاح
اخرسى يا بنت... انا اللى يتجوز بنتى لازم يكون عنده شقة تمليك وعربية وسوبر ماركت
بس يا ماما
ما فيش بس.. انا وابوكى قبل ما يموت فى الحرب كانت بتعدى علينا ايام
ما بنلاقيش ناكل.. انا يا بنتى مش عايزاكى تتعذبى زى ما احنا
اتعذبنا.. انتى ح تتجوزى فتحى ابن خالتك
بس انا مش بحبه يا ماما
الحب ما بيأكلش تونة فى الزمن ده يا فالحة
امرك يا ماما
........
مصر 2009
البنت: بابا ريكو حييجى يقابلك بكره وهو راجع من المول مع ديدى
متتكلمش معاه فى اى ماديات من فضلك
وبعدين الكلام فى المهر والعفش والقايمه
والفرح ده موضه قديمه
حاجات بلدى ياى
انا اتفقت معاه على كل حاجه
والفرح فى كافيه ماريانو فى المعادى على الضيق كده مع الفرندز
وانا جيت اعزمك انت ومامى

[/size]