صينيه شعريه لسان العصفور فى الفرن بجد روعه

من طرف نور الشقيه الجمعة يوليو 30, 2010 4:25 am

السلام عليكم و رحمة الله و بركاته
بسم الله الرحمن الرحيم
******

أكله الشعرية الي بحبها فدي طريقتها يارب تعجبكم
وبألف هنا يارب

اكله سهله اوي وبموت فيها جدااااا

طبقنا اليوم

-----------

صينية شعرية باللحمة

المقادير:-
----------

1 كيس شعرية لسان العصفور

كيلو لحمة بتلو أو كندوز (بقري)

( ويفضل بيت الكلاوي اللي هي ريش )

3 حبات طماطم

4 بصلات

ملح و فلفل

التجهيز:-

----------

1- يقطع البصل شرائح رقيقه أربع تربع

2- تبشر الطماطم وتكون جاهزة عند الحاجه

3- صينية متوسطة وبها معلقة سمن

4- تغسل اللحمة جيدا

5- تحمر الشعرية حتى اللون البنى الفاتح اوعوا تحلقوها هههههه

الطريقة :-

----------

تضع الصينية على النار وتسيح السمن الذي بها ثم تضع شرائح البصل وتقلب فيه حتى تجد لونه

بدأ يميل إلى الاصفرار و الاستواء بعدها نضع اللحم ونقلبه بالبصل ونضع ملح ونغطي الصينية ونترك اللحمه

تستوي وتتشوح مع البصل ثم نضع الطماطم المبشورة ونقلبها مع اللحم جيدا ونضع قليل من الملح والفلفل

وتذوقها عشان تعرف درجة الملح ثم نغطي الصينية بالغطاء

ونتركها تستوي ونتابعها إلى أن نلاحظ أن الطماطم استوت مع اللحم وتغير لونها إلى التسبيك

نأتي لمرحلة وضع الشعرية إما تضيفوا الشعرية على طول فوق اللي إنتم عملتوه وتضيفوا شوية ماية

أو تشيلوا اللحمة وتضعهوها

في طبق لحد ما تضيفوا الشعرية على البصل بالطماطم وتضعوا شوية ماية و تفردوها في الصينية

وتضيفوا اللحم على الوش عشان تتحمر وشها دي حسب راحتكم بس أنا عن نفسي

بشيل اللحمة وأحط الشعرية وأضيف اللحمة على الوش عشان تتحمر أوي

بعد وضع الشعرية بقى وترتيب الصينية تشغل الفرن وتحطها فيه حتى يتم نضجها

وبرده تتابعوها لا الفرن يحرق وشها وينشف اللحمة يعني لما تحسوا انها الشعرياية استوت واللحمة اتحمر وشها

طفوا عليها وبألف هنا وشفا :$

ملحوظة :- كيس شعرية لفردين كويس أوي و هتكفي

يارب تعجبكم

بس بجد والله أنا بموت فيها وطعمها خطير وألف هنا وافتكروني